முருகன் அஷ்டோத்திர பாமாலை தமிழ்| Murugan Ashtothra Pamalai Tamil

சீர் பரமன் கன்னுதலின் செய்ய திரு முருகா

செந்தீயில் ஆறு பொறி சேய் வடிவின் முருகா

ஓர் பெரும் சரவணையில் உற்ற திரு முருகா

ஒளி மீன்கள் அறுவர் முலை உண்டு வளர் முருகா

பார்வதி அணைக்க ஒரு பாங்கு சேர் முருகா

பன்னிருகை ஆறுமுகம் பகர் கந்த முருகா

பார் புகழும் நவ வீரர் பக்க முறை முருகா

பரமேசர் நெஞ்சிலுரை பாலனெனும் முருகா

செங்கட் கடாவினை அடக்கியூர் முருகா

செம் பொருளில் பிரமனை சிறை செய்த முருகா

சங்கரர்க் கோதுமொறு தற்பரா முருகா

தண்டை கிண் கிணி கொஞ்சு தாழென முருகா

அங்கனிற் குலகை வலமாய் வந்த முருகா

ஆண்டி வேடம் கொண்ட ஐயனே முருகா

தங்கு வையாபுரித்தலமுற்ற முருகா 

சாடிடும் பனைவென்ற சக்திவேல் முருகா

அரும்பழம் நீ என்ற அறன் சொன்ன முருகா

அறுமுகம் ஓராரின் அழகு சேர் முருகா

அடியார் கிரங்கிடும் அன்னலே முருகா 

இரு விழிகள் ஈராரின் செம்மலே முருகா 

தீவினைகள் போக்கியருள் தெய்வமே முருகா 

திருந்துக்கலை தந்த தேவனே முருகா 

தேசிகா ஞான மறை தேடு பொருள் முருகா

தென்பரங் குன்றிற் சிறந்த வேல் முருகா 

சிறு மிகும் செந்தில் நிறை செல்வனே முருகா 

அன்பர் திரு ஆவினர் குடியில் வாழ் முருகா 

அடியார் புகழ்ந்திடும் ஆண்டவா முருகா 

இன்ப மிகும் ஏற்கத் திறைவனே முருகா 

எண்ணிலா குன்றேறி வாழ் முருகா 

பொன்னன் திருத்தணிகை போழ்ந்தவா முருகா 

புகழ் சேர்க கழுக்குன்றின் புண்ணியா முருகா

சந்தனல் வேள்வி மலை தங்கிடும் முருகா

சாரும் விராலி மலை தன்னில் வாழ் முருகா

அந்தக் கடந்த திரு அருணையின் முருகா

அண்டர் வாழ் திரு மலையின் ஆனந்த முருகா

சந்தனல் ஒங்குவளர் சக்திமலை முருகா

சகமேவு மின்புதரு சித்தர்மலை முருகா

வந்த துன்பம் தீர்க்கும் மயிலையில் முருகா

வடபழனி மேவியே வாழ்கின்ற முருகா

குழகனே சிவகிரி கொற்றவா முருகா

கோதில் குன்றக்குடி குமரனே முருகா

அழகுரும் வேங்கடத் தையனே முருகா

ஆதி கதிர்காமத் தமர்ந்தவா முருகா

பிழையிலா பேரூர் பிறந்திடும் முருகா

பேசும் குழந்தை மலை பேரை நகர் முருகா

அழகனே பல மலைகள் ஆடிடும் முருகா

ஆடு பழமுதிர்ச் சோலை அடைந்தவா முருகா

வானவர் துயர் தீர்க்க வந்தவா முருகா

வையமே உய்ய வழி வகுத்தவா முருகா

தானவர் உறங்கெடத் தானைசேர் முருகா

தலை வீரனை தூது தான் விட்ட முருகா

ஈனர் கர்வம் கண்டெழுந்தவா முருகா

இகல் தாருகனை வேலுக் கிரையாக்கும் முருகா

ஆனைமுக சூரனை அழித்திட்ட முருகா

அடல் சிங்க முகனுடல் அகழ்ந்திட்ட முருகா

சேவலை கொடி கொண்ட சேந்தனே முருகா

சிகிதனை ஊர்த்தியாய் சேர்ந்தவா முருகா

தேவர் கோன் மகனை சிறைமீட்ட முருகா

செயவானக சூடும் வேழ் சேவகா முருகா

மூவரும் புகழ் கூற முறுவல் கொள் முருகா 

முனிவரொடு தேவர் தொழும் முதல்வனே முருகா

ஆவல் மிகும் இந்திரர்க்கரசு தரும் முருகா

அன்பருக்க பயமே அளித்தவா முருகா

தெய்வானையை மணம் செய்தவா முருகா

தெள்ளு நலமெல்லாம் திகழ்ந்தவா முருகா

சைவகக்கொழுந்தே சடாட்சரா முருகா

சகல கலை வல்லமை தந்திடும் முருகா 

மை கொண்ட கண் வள்ளி மையல் கொள் முருகா

மாதினைக் காணவே வனமேகும் முருகா 

கைதனில் வில்லேந்தும் காணவா முருகா

கன்னிக் குறக் கொடியின் கண்ணில் நுழை முருகா

வான்மகிழ் வள்ளியொடு வாதிட்ட முருகா

மங்கை எதிரே வேங்கை மரமாகும் முருகா

கூனிடும் கிழ வேடம் கொண்டவா முருகா

குமரிகை தொட்டு வளை கோர்த்தவா முருகா 

தினை தேன் கொண்ட மாவும் தின்றவா முருகா

சேயிழையின் மோகம் திழைத்தவா முருகா 

ஆனை முகனைத்துணை அடைந்தவா முருகா

ஆறுமுக தரிசனம் அளித்தவா முருகா

வான் மகிழ் வள்ளியை மணம் கொண்ட முருகா

வள்ளி தெய்வானை சமேதனே முருகா

நான் கண்ட தெய்வமே ஞான வேல் முருகா

நம்பினோர்கட் கருள் நல்கிடும் முருகா 

மேனிலை அதற்குமொரு வேலான முருகா

வேதமும் காணாத விஞ்சை என்னும் முருகா 

ஊன் கொண்ட பிறவிகட் குறுதுணை முருகா 

உன் பாதம் அன்றி வேறொன்றில்லை முருகா

சஞ்சலம் தீர்த்திடும் சண்முகா முருகா 

சாருமிகு பரசுகம் தந்திடும் முருகா

அஞ்சலென்றென்னை வந்தாட் கொள்ளும் முருகா

அருளையும் பொருளையும் அளித்திடும் முருகா

தஞ்சமென்றோர்களை தாங்கிடும் முருகா

தாரணி கழிக்க வருள் சாதிக்கும் முருகா 

மஞ்சுபொழி மாநிலம் வாழியே முருகா

மாதவர் தொழும் பாதம் வாழி சீர் முருகா

சங்கத் தலைவனே சரவணா முருகா 

சமரபுரி வேலா புயவேளே முருகா 

சூரபத்மனைத் சமர் புரிந்திட்ட முருகா

சண்முகத் தேவே சங்கத் தமிழனே முருகா

சங்கப் புலவனே சக்தி வேலனே முருகா 

சங்கபாணி மருகோனே சற்குரு நாதா முருகா 

சங்கரற்குக் குருவே சாந்தகுணசீலனே முருகா 

சங்கரன் சேயே சண்முகக் கடவுளே முருகா

சகல லோகர்க்கும் நண்பனே முருகா 

சக்தி மலைச் சாமியே சிவந்த ஆடையனே முருகா 

சித்தர்கள் குருவே சிங்கார வேலனே முருகா 

சித்தத்துள் நிற்பாய் சிவக்கொழுந்தே முருகா 

சூரனை வதைத்தோய் சஷ்டி நாயகனே முருகா!